Azərbaycan Pakistandakı mədən qəzası ilə bağlı başsağlığı verib

Azərbaycan Xarici İşlər Nazirliyi (XİN) Pakistanın Bəlucistan əyalətində baş vermiş kömür mədəni qəzası ilə əlaqədar başsağlığı verib.Bu barədə nazirlik "X" sosial şəbəkəsində paylaşım edib.

XİN bildirib ki, qəza nəticəsində çoxsaylı insanın həlak olması və yaralanması xəbəri dərin kədər hissi doğurub.

"Həlak olanların ailələrinə, qardaş Pakistan xalqına və hökumətinə dərin hüznlə başsağlığı veririk. Yaralananlara tezliklə şəfa diləyir, hadisədən zərər çəkən hər kəsin ən qısa zamanda təhlükəsiz yerə çatdırılacağına ümid edirik", – paylaşımda qeyd olunub.