Ağcabədidə iki avtomobil toqquşub, xəsarət alanlar var

Ağcabədi rayonunda baş verən yol-nəqliyyat hadisəsi nəticəsində bir neçə nəfər xəsarət alıb.

"Report"un Qarabağ bürosunun məlumatına görə, qəza Ağdam–Ağcabədi avtomobil yolunun Ağcabədi rayonunun Hindarx qəsəbəsi ərazisindən keçən hissəsində qeydə alınıb.

Belə ki, "VAZ-2107" və "Toyota" markalı minik avtomobilləri toqquşub. Hadisə nəticəsində hər iki avtomobilin sürücüsü, eləcə də bir neçə sərnişin müxtəlif dərəcəli bədən xəsarətləri alıb.

Yaralılar təcili tibbi yardım briqadalarının köməyi ilə Ağcabədi Rayon Mərkəzi Xəstəxanasına çatdırılıblar.

Faktla bağlı araşdırma aparılır.