“Bakı Metropoliteni”ndə iki stansiyaya yeni rəis təyin edilib

“Bakı Metropoliteni” QSC-də kadr dəyişiklikləri aparılıb, iki stansiyaya yeni rəis təyin olunub.

Oxu.az-ın məlumatına görə, bununla bağlı QSC-nin sədri Vüsal Aslanov müvafiq əmrlər imzalayıb.

Əmrlərə əsasən, metronun “Koroğlu” stansiyasının rəis müavini Telman Vəliyev tutduğu vəzifədən azad edilərək “Ulduz” stansiyasının rəisi təyin olunub.

Digər əmrlə isə “Memar Əcəmi” stansiyasının rəis müavini Əyyub Həsənov vəzifəsindən azad olunaraq “Qara Qarayev” stansiyasına rəis təyin edilib.

Hər iki rəhbər yeni kollektivlərə təqdim olunub və vəzifələrinin icrasına başlayıb.