İki gündə 64 cinayət açılıb - DİN

Avqustun 8-i və 9-da Azərbaycanda polis əməkdaşları tərəfindən 64 cinayətin açılması təmin edilib. Bu barədə  Daxili İşlər Nazirliyinin (DİN) Mətbuat Xidmətinin məlumatında deyilir. 

Bildirilib ki, əvvəlki dövrlərdən bağlı qalan daha 3 cinayət də açılıb.

Hesabat dövründə axtarışda olan 63 nəfər saxlanılaraq aidiyyəti üzrə təhvil verilib. Onlardan 30 nəfər borclu şəxs qismində axtarışda olub.

Bundan başqa, narkotiklərlə əlaqəli 28 fakt, qanunsuz saxlanılan silah-sursatın aşkarlanması və götürülməsi ilə bağlı isə 5 fakt müəyyən edilib.

Cinayət törətməkdə şübhəli bilinən 68 nəfər saxlanılıb.

Gülnar Nazimqızı