DİN: Azərbaycanda bir gündə 29 cinayət açılıb

Bakıda polis əməkdaşları tərəfindən avqustun 10-da ölkə ərazisində qeydə alınan 29 cinayət hadisəsinin açılması təmin edilib.

Daxili İşlər Nazirliyinin Mətbuat Xidmətinin məlumatına görə, əvvəlki dövrlərdən bağlı qalan daha 7 cinayət də açılıb.

Hesabat günündə axtarışda olan 135 nəfər saxlanılaraq aidiyyəti üzrə təhvil verilib. Onlardan 113 nəfər borclu şəxs qismində axtarışda olub.

Polis əməkdaşları narkotik vasitələrin qanunsuz dövriyyəsi ilə bağlı 11 fakt, qanunsuz saxlanılan silah-sursatın aşkarlanması və götürülməsi ilə bağlı isə 2 fakt müəyyən edib.

Bundan başqa, cinayət törətməkdə şübhəli bilinən 38 nəfər saxlanılıb.

Gülnar