Futbol azerkeşləri arasında insidentlə bağlı cinayət işi açılıb

Abşeron rayonunda futbol azarkeşləri arasında baş vermiş insidentlə bağlı cinayət işi başlanıb.

Abşeron Rayon Polis İdarəsində avqustun 11-də Masazır qəsəbəsində yerləşən “Bank Respublika Arena”nın qarşısında futbol klublarının azarkeşləri arasında baş vermiş insidentlə bağlı araşdırma aparılır.

Daxili İşlər Nazirliyindən bildirilib ki, fakt üzrə Cinayət Məcəlləsinin müvafiq maddələri ilə cinayət işi başlanılıb. Hadisənin iştirakçıları saxlanılaraq istintaqa cəlb olunublar.

Hazırda hadisənin bütün halları, o cümlədən insidentin başvermə səbəbləri və iştirakçıların hərəkətlərinə hüquqi qiymət verilməsi araşdırılır.