Xocavənd rayonunda mina partlayıb, xəsarət alanlar var - Yenilənib

Xocavənd rayonu ərazisində baş verən partlayış səbəbilə xəsarət alan 2 nəfər (kişi) saat 18:30 radələrində Füzuli Rayon Mərkəzi Xəstəxanasına hospitalizasiya olunub.Bu barədə TƏBİB-dən bildirilib.

Onlardan 1989-cu il təvəllüdlü şəxsə üzün və gözün müxtəlif nahiyələrinin açıq yarası, 2003-cü il təvəllüdlü şəxsə isə qarın nahiyəsinin sıyrılmış yaraları diaqnozu təyin olunub.

Pasiyentlərə zəruri tibbi yardım göstərildikdən sonra ambulator müalicə üçün evə buraxılıblar.

***

Xocavənd rayonunda mina partlayışı baş verib.Bu barədə Daxili İşlər Nazirliyi (DİN), Baş Prokurorluq və Minatəmizləmə Agentliyinin (ANAMA) mətbuat xidmətləri məlumat yayıb.

Hadisə avqustun 12-də işğaldan azad edilmiş Xocavənd rayonunun Qızılqaya kəndi ərazisində baş verib.

Məlumata görə, Qazax rayon sakini, 1961-ci il təvəllüdlü Elçin Abbasovun minalardan təmizlənməmiş ərazidə idarə etdiyi buldozer minaya düşüb.

Partlayış nəticəsində Tovuz rayon sakinləri – 1989-cu il təvəllüdlü Sənan Fərəcov və 2003-cü il təvəllüdlü Fuad Əhmədov xəsarət alıblar.

Faktla bağlı Xocavənd Rayon Prokurorluğunda araşdırma aparılır.

DİN, Baş Prokurorluq və ANAMA vətəndaşları mina təhlükəsi barədə xəbərdarlıq nişanlarına diqqət yetirməyə, şübhəli əşyalara toxunmamağa və tanımadıqları ərazilərə daxil olmamağa çağırıb.