Türkiyədə axtarışda olan şəxs Bakıda saxlanılaraq ölkəsinə qaytarılıb

Türkiyədə ağır cinayətlərdə təqsirləndirilən və axtarışda olan şəxs Bakıda Azərbaycan hüquq-mühafizə orqanlarının keçirdiyi əməliyyat nəticəsində saxlanılıb və Türkiyəyə qaytarılıb.Bu barədə Türkiyənin Daxili İşlər Nazirliyi məlumat yayıb.

Məlumata görə, əməliyyat İstanbul polisi ilə Azərbaycan polisi arasında əməkdaşlıq çərçivəsində keçirilib.

Saxlanılan şəxs qəsdən adam öldürmə, narkotik vasitələrlə bağlı cinayətlər, habelə qanunsuz odlu silah və sursat əldə etmə və ya daşıma ittihamları üzrə Türkiyədə axtarışda olub.

Türkiyə Daxili İşlər Nazirliyi əməliyyatda göstərilən əməkdaşlığa görə Azərbaycanın Daxili İşlər Nazirliyinə təşəkkür edib.