ABŞ dövlət istiqrazlarının gəlirliliyinin azalması fonunda qızıl cüzi bahalaşıb

Qlobal bazarlarda qızılın qiyməti çərşənbə günü, avqustun 19-da ABŞ dövlət istiqrazlarının (US Treasuries) gəlirliliyinin qlobal borc bazarındakı satış dalğasından sonra geriləməsi nəticəsində cüzi artıb.

"Reuters" agentliyinin məlumatına görə, ötən sessiyada təxminən 2% ucuzlaşan qızılın spot qiyməti 0,2% yüksələrək bir troya unsiyası üçün 4 342,33 ABŞ dolları təşkil edib. Eyni zamanda gümüşün qiyməti 0,5% azalaraq bir unsiya üçün 62,99 dollara enib (Qrinviç vaxtı ilə saat 02:40 radələrində gümüş təxminən 63,01 dollardan satılıb).

ABŞ xəzinə istiqrazlarının gəlirliliyinin enməsi faiz gəliri gətirməyən qızıla müəyyən dəstək verib. Bazar iştirakçılarının əsas diqqəti günün ikinci yarısında dərc olunacaq ABŞ Federal Ehtiyat Sisteminin (FRS) son iclasının protokollarına yönəlib. Hazırda maliyyə bazarları sentyabrda FRS-in uçot dərəcəsini sabit saxlaması ehtimalını 65%, artırması ehtimalını isə 35% səviyyəsində qiymətləndirir.

N.Təbrizli