“ƏDV” üzrə vətəndaşlara 140 milyon manata yaxın vəsait qaytarılıb

2026-cı ilin yanvar-avqustunda “ƏDV geri al” layihəsi çərçivəsində istehlakçılara 139 milyon 829,14 min manat ƏDV qaytarılıb.

Bu məbləğ pərakəndə ticarət, ictimai iaşə, mədəniyyət və tibb xidmətləri, eləcə də işğaldan azad edilmiş ərazilərdə hotellərdə gecələmə və qalma xidmətlərinə görə ödənilmiş ƏDV üzrə geri qaytarılıb.

Hesabat dövründə “Tax free” sistemi üzrə xarici vətəndaşlara 6 milyon 208,3 min manat ƏDV qaytarılıb.

Bundan əlavə, yaşayış və qeyri-yaşayış sahələrinin nağdsız qaydada alınmasına görə fiziki şəxslərə qaytarılmış ƏDV-nin həcmi 23 milyon 206,73 min manat təşkil edib.