AZAL Bakı-Ciddə uçuşlarını sentyabrın 15-dən bərpa edir

 “Azərbaycan Hava Yolları” QSC (AZAL) Bakıdan Səudiyyə Ərəbistanının Ciddə şəhərinə müntəzəm uçuşları sentyabrın 15-dən bərpa edəcək. Bu barədə AZAL-dan bildirilib. 

Bakı-Ciddə-Bakı marşrutu üzrə reyslər həftədə dörd dəfə — çərşənbə axşamı, çərşənbə, şənbə və bazar günləri həyata keçiriləcək.

Ciddə Qırmızı dəniz sahilində yerləşən və Səudiyyə Ərəbistanının əsas iqtisadi, turizm və nəqliyyat mərkəzlərindən biri olmaqla yanaşı, Məkkə və Mədinəyə səfər edən sərnişinlər üçün də mühüm hava nəqliyyatı qovşağıdır.

Biletlər AZAL-ın internet saytı və mobil tətbiqi, həmçinin satış ofisləri və akkreditə olunmuş agentliklər vasitəsilə əldə edilə bilər.