Avqustun 22-i Bakıda 35, rayonlarda 40 dərəcə isti olacaq

Azərbaycanda avqustun 22-nə gözlənilən hava şəraiti açıqlanıb. Bu barədə Milli Hidrometeorologiya Xidməti xəbər verir.

Məlumata görə, Bakıda və Abşeron yarımadasında hava şəraitinin yağmursuz keçəcəyi gözlənilir. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə 23–27°C, gündüz 30–35°C isti təşkil edəcək. Atmosfer təzyiqi 763 mm civə sütunu, nisbi rütubət gecə 70–75%, gündüz 50–55% olacaq.

Azərbaycanın rayonlarında da havanın əsasən yağmursuz keçəcəyi, gecə və səhər bəzi dağlıq ərazilərdə duman olacağı, şərq küləyinin əsəcəyi bildirilir. Temperatur gecə 21–25°C, gündüz 35–38°C, bəzi yerlərdə 40°C-dək yüksələcək. Dağlıq rayonlarda isə havanın temperaturu gecə 12–17°C, gündüz 21–26°C isti proqnozlaşdırılır.