ABŞ İrana kömək edən ölkələrə qarşı sanksiya tətbiq edəcək

ABŞ İrana qarşı tətbiq olunan sanksiyalardan yayınmasına kömək edən və Tehranın gəlir əldə etməsinə şərait yaradan ölkələrə də sanksiya tətbiq edəcək.Bunu ABŞ dövlət katibi Marko Rubio “Fox Radio”ya müsahibəsində deyib.

“Əgər ölkələr bunu etməyə qərar versələr, biz də onlara qarşı sanksiyalar tətbiq etməli olacağıq”, – Rubio bildirib.

Onun sözlərinə görə, məqsəd yalnız İrana təzyiq göstərmək deyil, həm də Tehranın terrorizmi maliyyələşdirmək və nüvə silahı hazırlamaq üçün istifadə edə biləcəyi maliyyə resurslarına çıxışını məhdudlaşdırmaqdır.

“Onlar iki məqsəd üçün pul istəyirlər: terrorizmi maliyyələşdirmək və nəticədə nüvə silahı yaratmaq. Biz bunun baş verməsinə imkan verə bilmərik”, – Rubio vurğulayıb.