ABŞ-nin son hücumları nəticəsində İranda ölənlərin sayı açıqlanıb

ABŞ-nin İranın Hörmüz boğazı yaxınlığındakı mövqelərinə endirdiyi zərbələr nəticəsində 18 nəfər ölüb, 108 nəfər yaralanıb.

IRIB xəbər verir ki, bunu İranın səhiyyə naziri Məhəmmədrza Zəfərqəndi bildirib.

“Ötən gecə ölkənin müxtəlif vilayətlərinə edilən hücumlarda 18 nəfər ölüb, 108 həmvətənimiz yaralanıb”, – nazir deyib.

ABŞ Silahlı Qüvvələri sentyabrın 1-də Hörmüz boğazı ərazisində İranın mövqelərinə hava zərbələri endirib. Tehran isə cavab olaraq ABŞ-nin Yaxın Şərqdəki hərbi bazalarına zərbələr endirib.