Türkiyəli aktyor evində ölü tapılıb

Türkiyənin İstanbul şəhərində aktyor Serhat Mustafa Kılıç evində ölü tapılıb.Bu barədə “Haber Global” məlumat yayıb.

Məlumata görə, aktyordan cümə axşamından etibarən xəbər almaq mümkün olmayıb. Daha sonra o, evində hərəkətsiz vəziyyətdə aşkarlanıb.

Hadisə yerinə polis və tibbi yardım briqadaları cəlb olunub. Tibbi müayinə nəticəsində onun öldüyü müəyyən edilib.

Məlumata görə, Serhat Kılıç limfa xərçəngindən müalicə olunurdu.

Hadisə ilə bağlı araşdırma aparılır.