Zelenskinin Uitkoff və Kuşnerlə görüşü başa çatıb - Yenilənib

Kiyevdə Ukrayna Prezidenti Volodimir Zelenskinin rəhbərlik etdiyi nümayəndə heyəti ilə ABŞ Prezidenti Donald Trampın xüsusi nümayəndələri Stiv Uitkoff və Cared Kuşner arasında danışıqların birinci raundu başa çatıb.Bu barədə Ukraynanın “Ukrinform” agentliyi məlumat yayıb.

Bildirilib ki,danışıqların ikinci raundunun keçirilməsi planlaşdırılır.

Növbəti raundda Böyük Britaniya, Fransa və Almaniyanın milli təhlükəsizlik üzrə müşavirlərinin də iştirakı gözlənilir.

***

Ukrayna Prezidenti Volodimir Zelenskinin ABŞ Prezidenti Donald Trampın xüsusi nümayəndələri Stiv Uitkoff və Cared Kuşnerlə Kiyevdə görüşü başlayıb.

***

ABŞ Prezidenti Donald Trampın xüsusi elçisi Stiv Uitkoff və onun kürəkəni Cared Kuşner Ukraynanın paytaxtı Kiyevə gəlib.Bu barədə “AzadlıqRadiosu”nun Ukrayna xidməti məlumat yayıb.

Məlumata görə, ABŞ nümayəndə heyətini Kiyev vağzalında Ukrayna Prezident Ofisinin rəhbəri Kirill Budanov, Milli Kəşfiyyat Xidmətinin rəhbəri Rüstəm Umerov, “Xalqın xidmətçisi” fraksiyasının rəhbəri David Araxamiya və Prezident Ofisi rəhbərinin birinci müavini Serhiy Kıslıtsya qarşılayıblar.

Uitkoff və Kuşner daha sonra Ukraynanın yüksəkvəzifəli rəsmiləri ilə görüşüblər. Ardınca onların Ukrayna Prezidenti Volodimir Zelenski ilə Müqəddəs Sofiya kafedralının qarşısında görüşdüyü əks olunan görüntülər yayılıb.