Azərbaycan polisi Amerika polisi ilə əməkdaşlıq edəcək

Azərbaycan Respublikasının Daxili İşlər Nazirliyi Amerika Polis Qüvvələri Birliyində (AMERİPOL) müşahidəçi statusu əldə edib. Bu barədə Daxili İşlər Nazirliyindən bildirilib. 

Qərar AMERİPOL Direktorlar Şurasının 5-ci Fövqəladə Sammiti çərçivəsində qəbul edilib.

Müşahidəçi statusu Azərbaycan DİN-in AMERİPOL-a üzv ölkələrin hüquq-mühafizə orqanları ilə əməkdaşlığını genişləndirməsinə, məlumat və qabaqcıl təcrübə mübadiləsində iştirakına, həmçinin təşkilatın tədbirlərinə qoşulmasına imkan verəcək.

Bu statusun transmilli mütəşəkkil cinayətkarlıq, narkotik vasitələrin qanunsuz dövriyyəsi, kibercinayətkarlıq, ekstremizm və insan alverinə qarşı mübarizə sahəsində beynəlxalq əməkdaşlığın inkişafına xidmət edəcəyi bildirilib.