Samir Nəsirov: Azərbaycanın cari əməliyyatlar balansında 4,7 milyard dollarlıq profisit yaranıb

Azərbaycanın tədiyə balansı 2026-cı ilin ilk 6 ayında qlobal əmtəə, xidmət və maliyyə bazarlarında baş verən qiymət dəyişikliklərindən əhəmiyyətli dərəcədə təsirlənib.

Bunu Azərbaycan Mərkəzi Bankının Statistika departamentinin direktoru Samir Nəsirov bildirib.

Onun sözlərinə görə, hesabat dövründə tədiyə balansının əsas komponenti olan cari əməliyyatlar balansında 4,7 milyard dollarlıq profisit yaranıb.

“Bu, ümumi daxili məhsulun 12,4%-ni təşkil edir və ötən ilin müvafiq dövrü ilə müqayisədə təxminən 2 dəfə çoxdur. Cari əməliyyatlar balansının belə profisitlə formalaşması makroiqtisadi sabitlik baxımından müsbət haldır”.

Nəsirov qeyd edib ki, hesabat dövründə neft-qaz sektoru üzrə cari əməliyyatlar balansının profisiti təxminən 24% artaraq 9 milyard dollar təşkil edib.

“Qeyri-neft sektoru üzrə cari əməliyyatlar balansının kəsiri isə 4,3 milyard dollar olub. Bu da öz növbəsində cari əməliyyatlar balansının 4,7 milyard dollarlıq profisitini şərtləndirib”, - deyə o bildirib.

Mərkəzi Bank rəsmisi əlavə edib ki, kapital və maliyyənin hərəkəti balansında 3 milyard dollarlıq kəsir yaranıb. Onun sözlərinə görə, kəsirin əsas səbəbi xalis xarici maliyyə aktivlərinin 3,3 milyard dollar, xalis xarici maliyyə öhdəliklərinin isə təxminən 300 milyon dollar artmasıdır.

Aytac