Paşinyan rus dilini öyrənir

Ermənistanın baş naziri Nikol Paşinyan hazırda Dövlət İdarəçilik Akademiyasında rus dilini öyrəndiyini bildirib.

O, bunu hökumətin iclasında əmək və sosial məsələlər naziri Arsen Torosyanın dövlət idarəetmə sistemində çalışan bütün əməkdaşlar üçün ingilis dilinin öyrənilməsinin məcburi edilməsi təklifini şərh edərkən deyib.

“Niyə yalnız ingilis dili? Mən, məsələn, hazırda İdarəçilik Akademiyasında rus dili dərslərinə gedirəm. Kimsə yapon, ispan, Çin və ya alman dilini öyrənə bilər”, — Paşinyan deyib.

Onun sözlərinə görə, dövlət qulluqçuları ehtiyaclarından asılı olaraq müxtəlif xarici dilləri öyrənmək imkanına malik olmalıdırlar.