PUA qalıqlarının Səudiyyə Ərəbistanının Ət-Taif şəhərinə düşməsi nəticəsində 1 nəfər ölüb

Səudiyyə Ərəbistanının Ət-Taif şəhərində Yəmənin husi hərəkatı tərəfindən buraxıldığı bildirilən pilotsuz uçuş aparatının (PUA) məhv edilməsindən sonra qalıqlarının yerə düşməsi nəticəsində bir nəfər ölüb, iki nəfər yaralanıb.Bu barədə Səudiyyə Ərəbistanının Mülki Müdafiə Baş İdarəsi "X" sosial şəbəkəsində məlumat yayıb.

Məlumata görə, hadisə sentyabrın 17-də baş verib. PUA-nın məhv edilməsindən sonra onun qalıqları Ət-Taif şəhərinə düşüb.

Hadisə nəticəsində Yəmən vətəndaşı ölüb, Səudiyyə Ərəbistanı və Pakistan vətəndaşları isə yaralanıb.

Bundan əlavə, bir sıra binalara və nəqliyyat vasitələrinə ziyan dəyib.