Azərbaycanda ilk dəfə psixi xəstəlik diaqnozu qoyulanların sayı 2025-ci ildə 28% azalıb

Azərbaycanda ilk dəfə psixi xəstəlik diaqnozu qoyulanların sayı 2025-ci ildə hər 100 min nəfərə 59,2 nəfər təşkil edib. Bu, 2024-cü ildə qeydə alınan 82,1 nəfərlə müqayisədə 27,9% azdır. Bu barədə Dövlət Statistika Komitəsindən bildirilib. 

Psixi xəstəliklərlə qeydiyyatda olan pasiyentlərin sayı da hər 100 min nəfərə 1 151,3 nəfərdən 1 087,1 nəfərə düşüb. İllik azalma 5,6% təşkil edib.

İlk dəfə diaqnoz qoyulanların göstəricisi 2023-cü ildə hər 100 min nəfərə 99,5 nəfər olmaqla son illərin ən yüksək səviyyəsinə çatmışdı. Bu göstərici 2022-ci ildə 69,2, 2021-ci ildə isə 47,3 nəfər olub.

2010-cu ildəki hər 100 min nəfərə 1 440,5 nəfərdən 2025-ci ildə 1 087,1 nəfərə enib - bu, 24,5% azalma deməkdir.

Eyni dövrdə ilk dəfə diaqnoz qoyulanların sayı hər 100 min nəfərə 55,8 nəfərdən 59,2 nəfərə yüksəlib.

Gülnar Nazimqızı