İsrail XİN: “Flydubai” təyyarəsindəki insident terror cəhdi kimi qiymətləndirilir

Dubaydan Təl-Əvivə uçan “Flydubai” aviaşirkətinə məxsus təyyarədə baş verən insident İsrail və BƏƏ vətəndaşlarını, eləcə də “İbrahim sazişləri” çərçivəsində əldə olunan normallaşmanı hədəf alan terror cəhdi kimi qiymətləndirilir.Bu barədə İsrail Xarici İşlər Nazirliyinin (XİN) açıqlamasında bildirilib.

İlkin məlumata görə, təyyarənin pilotlarından biri göyərtəsində 170-dən çox sərnişinin olduğu təyyarəni qəsdən qəzaya uğratmağa cəhd edib. Sərnişinlərin və digər pilotların müdaxiləsi nəticəsində mümkün fəlakətin qarşısının alındığı bildirilib.

İsrail XİN bildirib ki, insident İsrail ilə BƏƏ arasında münasibətlərə və regionda əldə olunan normallaşma prosesinə xələl gətirməməlidir.

“İsrail BƏƏ ilə münasibətləri yüksək qiymətləndirir və iki ölkə və xalqlar arasında əlaqələrin möhkəmləndirilməsinə sadiqdir”, - açıqlamada qeyd olunub.