Korrupsiya barədə məlumat verənlərə mükafat veriləcək

Korrupsiya ilə bağlı hüquqpozmalar barədə məlumatı təsdiqlənən şəxsə təşkilatın büdcəsi hesabına minimum əməkhaqqının 25 mislinədək mükafat ödənilməsi nəzərdə tutulur. Bundan əlavə, qanun layihəsinə əsasən, müəyyən hallarda dövlətə ödənilmiş maddi ziyanın 5 faizi məlumat verən şəxsə verilə bilər.

Deputat Arzu Nağıyev qanun layihəsini birgə komitə iclasında təqdim edərkən bildirib ki, sənəd korrupsiya barədə məlumat verən şəxslərin müdafiəsi və həvəsləndirilməsi ilə bağlı münasibətləri tənzimləyir.

Layihə 5 fəsil və 19 maddədən ibarətdir.

Nağıyevin sözlərinə görə, mükafatın məbləği müəyyən edilərkən hüquqpozmanın xarakteri, faktların sayı, məlumatın əhəmiyyəti, vurulmuş zərər və bərpa edilmiş aktivlərin məbləği nəzərə alınacaq. Cinayət təqibi nəticəsində xüsusi müsadirə edilmiş əmlak və ya pul vəsaitindən, habelə layihədə nəzərdə tutulan digər hallarda dövlətə ödənilmiş maddi ziyanın 5 faizi də məlumat verən şəxsə verilə bilər.

Layihəyə əsasən, məlumat dərhal qeydiyyata alınж, bir qayda olaraq 20 iş günü ərэ araşdırна. Əlavə materiallar əldə etmək zərurəti yaranarsa, araşdırma müddəti 10 iş günü uzadıla bilər. Cinayət əlamətləri aşkarlandıqda materialların aidiyyəti üzrə göndərilməsi nəzərdə tutulur.

Məlumat verən şəxsin kimliyinin və məlumatlarının məxfiliyinin qorunması, hüquqi yardım və məsləhət alması, dəymiş maddi və mənəvi zərərin kompensasiyasını tələb etməsi də layihədə əksini tapıb. Şəxsin məlumat verməsinə görə ona və yaxınlarına hədə-qorxu, təzyiq və təqib göstərilməsi, eləcə də iş yerində qisas xarakterli tədbirlərin görülməsi qadağan edilir.

Gülnar Nazimqızı