FHN-də kadr dəyişikliyi: polkovnik təqaüdə göndərilib

Fövqəladə Hallar Nazirliyinin (FHN) Aviasiya Dəstəsinin rəisinin birinci müavini, polkovnik Rahim Cəfərov vəzifəsindən azad edilərək təqaüdə göndərilib.

"Manset.az"ın məlumatına görə, bununla bağlı qərar FHN-in rəhbəri, general-polkovnik Kəmaləddin Heydərovun əmri ilə qəbul edilib.

Məlumata görə, Cəfərovun yerinə hələlik yeni təyinat olmayıb.

FHN Aviasiya Dəstəsinə hazırda general-mayor Fərhad Səmədov rəhbərlik edir. Onun bu vəzifəyə bir neçə ay əvvəl təyin edildiyi bildirilir.