Sabunçuda yol təmiri ilə əlaqədar hərəkət məhdudlaşdırılacaq

Oktyabrın 8-də saat 20:00-dan etibarən Bakının Sabunçu rayonunda Yeni Ramana küçəsinin bir hissəsində təmir işlərinə başlanılacaq.Bu barədə Azərbaycan Avtomobil Yolları Dövlət Agentliyindən (AAYDA) məlumat verilib.

Təmir işləri küçənin Asif Əsədullayev küçəsi ilə kəsişməsindən Yeni Suraxanı dairəsinədək olan hissəsində aparılacaq.

İşlərlə əlaqədar həmin yol hissəsində nəqliyyat vasitələrinin hərəkətinə qismən məhdudiyyət tətbiq olunacaq.

AAYDA sürücülərə yaranacaq sıxlığın qarşısını almaq üçün əvvəlcədən alternativ yollardan istifadə etməyi və hərəkət zamanı diqqətli olmağı tövsiyə edib.