İşləyən pensiyaçıların sayı bir ildə 22% azalıb

Azərbaycanda işləyən pensiyaçıların sayı 2026-cı ilin əvvəlinə 151 126 nəfər olub. Bu, 2025-ci ilin əvvəli ilə müqayisədə 42 681 nəfər və ya təxminən 22% azdır. Bu barədə Dövlət Statistika Komitəsindən bildirilib. 

2025-ci ilin əvvəlində işləyən pensiyaçıların sayı 193 807 nəfər olub. 2026-cı ilin əvvəlində pensiyaçıların ümumi sayı isə əvvəlki ilin eyni dövrü ilə müqayisədə 542 nəfər artaraq 1 milyon 98 min 890 nəfərə çatıb.

Cədvəldə işləyən pensiyaçılar yaşa görə pensiya alanlar arasında 143 405 nəfərdən 103 807 nəfərə, əlilliyə görə pensiya alanlar arasında 46 860 nəfərdən 41 674 nəfərə, ailə başçısını itirməyə görə pensiya alanlar arasında isə 3 542 nəfərdən 5 645 nəfərə düşüb.

İşləməyən pensiyaçıların sayı 2025-ci ilin əvvəlindəki 904 541 nəfərdən 2026-cı ilin əvvəlində 947 764 nəfərə yüksəlib.

Gülnar Nazimqızı