Cəbrayılda bir gündə ikinci mina partlayışı baş verib

Cəbrayıl rayonunda gün ərzində ikinci mina partlayışı baş verib. İlk partlayışda xəsarət alan şəxsin atası da mina partlayışında yaralanıb.Bu barədə Daxili İşlər Nazirliyi, Baş Prokurorluq və Minatəmizləmə Agentliyinin (ANAMA) birgə məlumatında bildirilib.

Məlumata görə, hadisə oktyabrın 8-də işğaldan azad edilmiş Cəbrayıl rayonunun Dağmaşanlı kəndi ərazisində baş verib.

Bildirilib ki, 1966-cı il təvəllüdlü Qəhrəmanov Əşrəf Elman oğlu daha əvvəl piyada əleyhinə minaya düşərək xəsarət alan oğlu Orxan Qəhrəmanovun hadisə yerinə daxil olub. Nəticədə Əşrəf Qəhrəmanov da mina partlayışına məruz qalaraq xəsarət alıb.

Faktla bağlı Cəbrayıl Rayon Prokurorluğunda araşdırma aparılır.

ANAMA, DİN və Baş Prokurorluq vətəndaşları mina təhlükəsi ilə bağlı təhlükəsizlik qaydalarına riayət etməyə, xəbərdarlıq nişanlarına diqqət yetirməyə, şübhəli əşyalara toxunmamağa və tanımadıqları ərazilərə daxil olmamağa çağırıb.