Putin Avropaya söz verdi

"Qazprom" Macarıstana təbii qaz göndərmək fikrinə düşüb

"Rusiyanın "Qazprom" şirkəti Macarıstana təbii qaz qaz göndərməyə hazırdır.

ANS PRESS-in məlumatına görə, bu barədə Prezident Vladimir Putin Budapeştdə keçirdiyi mətbuat mətbuat konfransında deyib.

Rusiyanın dövlət başçısı dünən Macarıstana səfəri zamanı bildirib ki, bizim Macarıstanla ikitərəfli qaz sazişimiz bu il başa çatır. "Qazprom" şirkəti 2015-ci ildən sonra da bu Avropa ölkəsinə təbii qaz göndərməyi düşünür. 

Ölkənin baş naziri Viktor Orban Budapeştdə V.Putin ilə danışıqlardan sonra söyləyib ki, Rusiya enerji mənbələri və məhsullarının ixracı üçün Macarıstana lazımdır.

O, Rusiya ilə çevik uzunmüddətli təbii qaz sazişi imzalamağa çalışdıqlarını da diqqətə çatdırıb.

Xatırladaq ki, bu səfər Rusiya prezidenti Vladimir Putin ötən ilin iyun ayından bəri Avropa İttifaqı ölkəsinə ilk səfəridir. Ötən gün minlərlə sakin Putinin səfərinə etiraz əlaməti olaraq Budapeşt küçələrinə çıxıb. Etirazçılar baş nazir Viktor Orbanı Macarıstanın "putinləşdirilməsini" dayandırmağa çağırıblar.