"Forbes” jurnalı Rusiyanın "Əmlak kralları”nı reytinqini açıqlayıb.
Oxu.Az Forbes.ru-ya istinadən xəbər verir ki, adıçəkilən reytinqə 4 nəfər azərbaycanlı da düşüb.
"Forbes”in "Əmlak kralları” adlanan yeni reytinqinə Zarax İliyev və Qod Nisanov başçılıq edirlər.
Onlar tərəfindən "Kievskaya ploşad” şirkəti "Evropeyskiy” (109 000 kv. m), "Sadovod” (145 000 kv. m), "Fud Siti” (610 000 kv. m) Ticarət Mərkəzlər, habelə "Radisson Royal Ukraina» oteli icarəyə verilib. Əldə etdikləri gəlir isə nə az nə çox düz 1 milyard 150 milyon dollar təşkil edib.
Siyahıda Crocus Group-un sahibi Araz Ağalarov da yer alıb.
Ağalarov "Krokus Ekspo” (680 000 kv. m) və "Vegas” Ticarət Mərkəzindən icarə haqqı kimi 365 milyon dollar qazanıb.
Solomon və Roman Manaşirov qardaşları isə "Forbes”in reytinqində 24-cü sırada qərarlaşıb. Manaşirov "Columbus” Ticarət Mərkəzindən (136 000 kv. m) icarə haqqı kimi 90 milyon dollar gəlir əldə edib.
Qeyd edək ki, siyahıda ümumilikdə Rusiyada fəaliyyət göstərən 30 nəfərin adı qeyd edilib.
www.ann.az
Bizi sosial şəbəkələrdə izləyin !
