Azərbaycanda keçirilən parlament seçkilərində saat 17:00-a olan seçici fəallığı açıqlanıb.

"Report” xəbər verir ki, 125 seçki dairəsi üzrə 5 573 seçki məntəqəsində seçici fəallığı 44,84% olub.

Səsvermə hüququna malik 5 milyon 329 min 461 nəfər seçicidən 2 389 754 nəfəri səs verib.

Azərbaycanda Milli Məclisə keçirilən seçkilərdə ən yüksək və ən aşağı seçici fəallığı olan dairələr açıqlanıb.

------------------

Saat 15:00-a olan məlumata əsasən, seçici fəallığının ən yüksək olduğu dairə 1 saylı Şərur-Sədərək Seçki Dairəsidir.

1 saylı Şərur-Sədərək seçki dairəsindən 61,4% (46 min 225 seçicidən 23 736 nəfər) olub.

Seçici fəallığının ən aşağı olduğu dairə isə 28 saylı Sabunçu üçüncü Seçki Dairəsidir.

 

Bu seçki dairəsində seçici fəallığı 18,6% (10 299 nəfər) olub.

 

----------

Azərbaycanda keçirilən parlament seçkilərində saat 12:00-dək olan seçici fəallığı açıqlanıb.

Mərkəzi Seçki Komissiyası (MSK) Katibliyinin İnformasiya Mərkəzinin müdiri Fərid Orucov bildirib ki, 125 seçki dairəsi üzrə 5 573 seçki məntəqəsində seçici fəallığı bu saatadək 27,35 faiz olub.

O, səsvermə hüququna malik 5 milyon 329 min 461 nəfər seçicidən bu saatadək 1 457 776 nəfərinin səs verdiyini deyib.

 

 

--------

Azərbaycanda keçirilən parlament seçkilərində saat 10:00-a olan seçici fəallığı açıqlanıb.

Anews.az xəbər verir ki, Mərkəzi Seçki Komissiyası (MSK) Katibliyinin İnformasiya Mərkəzinin müdiri Fərid Orucov bildirib ki, 125 seçki dairəsi üzrə 5 573 seçki məntəqəsində seçici fəallığı bu saatadək 12.57% faiz olub.