"Sabah” klubu tarixində ilkə imza atıb. bu barədə Peşəkar Futbol Liqasının rəsmi saytı xəbər verir ki, paytaxt klubu Premyer Liqanın cari mövsümündə 50-ci qolunu vurmaqla öz rekordunu yeniləyib.

Yubiley topu XXII turun "Qarabağ”la oyununa təsadüf edib – 1:1. Bununla "Sabah” tarixində ilk dəfə bir mövsümdə "100”ü yarılayıb. Bakı klubu ölkə çempionatlarında buna nail olan 17-ci komandadır.

1992-ci ildən keçirilən yarışın tarixində bunadək 16 klub bir mövsümdə 50 və ya daha çox qol vurub. "Qarabağ” hamıdan çox – 14 dəfə bunu bacarıb. Ümumilikdə isə 63-cü dəfə belə hadisə yaşanıb.