"3 il əvvəl qaza tələbat 50 milyard kubmetrə bərabər idi. Ümumiyyətlə, Türkiyədə enerji daşıyıcılarına olan tələbat artır. Son 20 ildə ölkədə qaza olan tələbat isə 3 dəfə çoxalıb. Hazırda Türkiyə Avropada ən böyük qaz istehlakçısıdır və təbii qazın 70 %-i idxal edilir", Bayraktar söyləyib.

 

Nazir müavini qeyd edib ki, Türkiyənin qaz idxal etdiyi əsas qaz ölkəsi Rusiyadır.

 

"Son zamanlar da ABŞ ölkəmizə qaz ixracında ilk üçlükdə yer alır. Türkiyə Trans-Anadolu Qaz Boru (TANAP) xəttinə böyük önəm verir. Amma bununla belə alternativ qaz mənbələri də axtarmaqda davam edir",- Bayrakdar bildirib.

Türkiyə Qara dənizdən hasil edilən qazı 2023-cü ilin birinci rübündən istehlak etməyi planlaşdırır. Bu müddətdə Türkiyə Qara dənizdə 540 milyard kubmetr qazın hasilatı və nəqlinə təxminən on milyard dollar sərmayə qoyacaq.