Hamburq olimpiadaya ev sahibliyi edə bilər
10.09.2015 11:20
Almaniyanın Hamburq şəhəri 2024-cü il Yay Olimpiya Oyunlarını keçirmək istəyilə Beynəlxalq Olimpiya Komitəsinə rəsmi ərizə verib.
"Report"un Almaniya Olimpiya İdman Konfederasiyasının (DOSB) rəsmi saytına istinadən verdiyi məlumata görə, Hamburq meri Olaf Şolts və DOSB prezidenti Alfons Horman müvafiq ərizəni imzalayıb.
Öncədən Berlinin də namizədliyi müzakirə mövzusu olub. Lakin martda DOSB seçimini Hamburq üzərində edib.
Əvvəllər 2024-cü il olimpiadasına Roma (İtaliya), Paris (Fransa), Los-Anceles (ABŞ) və Budapeşt (Macarıstan) də namizədliyini irəli sürüb. Əhmədabad (Hindistan) və Toronto (Kanada) ilə yanaşı, Bakının da bu siyahıda olacağı gözlənilir.
Qeyd edək ki, namizədlərin yekun siyahısı sentyabrın 15-də, qalib isə 2017-ci ildə açıqlanacaq.
www.ann.az
Youtube
Bizi Youtube-da izləyin
Oxşar xəbərlər
Oxşar xəbərlər
İdman 09:07
Prezidentin sosial media hesablarında futbol üzrə U-15 dünya çempionatı ilə bağlı videoçarx paylaşılıb
Foto
Video
