Ronaldinyo Azərbaycan futbolu haqqında danışdı

Oxu.Az xəbər verir ki, bunu tanınmış futbolçu Ronaldinyo Qauşo jurnalistlərə açıqlamasında bildirib.

"Mən Azərbaycan barədə məlumatlıyam. Bilirəm ki, çoxlu sayda braziliyalı futbolçu Azərbaycan klublarında oynayır”, -  o deyib.

Azərbaycan millisi haqqında danışan məşhur futbolçu yığmamızın "DÇ-2018”-in seçmə mərhələsində uğurlu çıxışını qeyd edib.

"Azərbaycan yığmasının bu seçmə mərhələyə yaxşı başladığını eşitmişəm. 7 xal toplamısınız. Gəlmişəm ki, ölkəni daha yaxşı tanıyım və onun futbolu ilə daha yaxından maraqlanım”, - Ronaldinyo bildirib.

Məşhur futbolçu karyerasını harada davam etdirəcəyi və ya bitirəcəyi ilə bağlı dekabrda yekun qərar verəcəyini deyib. 

Braziliyalı futbol ulduzu "Sizin üçün dünyanın ən yaxşı futbolçusu kimdir” sualına "Messi” cavabını verib.