Dünya çempionu koronavirusa yoluxdu, döyüş təxirə salındı

WBC (Ümumdünya Boks Şurası) versiyası üzrə superağır çəkidə dünya çempionu Tayson Fyuri koronavirusa yoluxub.

"Report" "Associated Press" agentliyinə istinadən xəbər verir ki, bu səbəbdən britaniyalı idmançının ABŞ-dan olan Deontey Uaylderlə 3-cü döyüşü oktyabrın 9-na təxirə salınıb.

Fyuri ilə yanaşı, bir neçə məşqçinin də analiz nəticələri müsbət çıxıb. Onların hamısı karantinə alınıblar.