İbrahimoviç fransızlardan üzr istədi

"Paris St-Germain” futbol klububnun hücumçusu Zlatan Ibrahimovic "Fransa PSG-yə layiq deyil” dediyinə görə üzr istəyib.

Ibrahimovic-in əsəbiləşməsinə səbəb onun komandasının 1-ci liqanın oyununda Bordeaux klubuna 3-2 hesabı ilə uduzması olub.

Fransanın idman naziri Patrick Kanner İbrahimovic-i üzr istəməyə dəvət edib və futbolçu üzr istəyib.

Bundan sonra nazir "böyük çempionun üzrü qəbul olundu” deyib.

Futbolçu izah edib ki, onun qeydləri Fransaya və ya Fransa xalqına qarşı yönəlməyib və o, sadəcə əsəblərini cilovlaya bilməyib.

Bununla belə, Fransanın Peşəkar Futbol Liqasının intizam komissiyası martın 19-da futbolçunun məsələsinə baxacaq.

Lyon komandasının məşqçisi Hubert Fournier-in ötən ay etdiyi iddiaya görə, İbrahimovic fransız hakimləri bir qayda olaraq ingilis və italyan dillərində təhqir edir ki, onu başa düşməsinlər.