2023-cü il iyunun sonunda təqiblər, münaqişələr,
zorakılıqlar, insan hüquqlarının pozulması və ictimai asayişi pozan hadisələr
səbəbindən dünya üzrə 110 milyon insan öz evlərini tərk edib. Bu barədə məlumat BMT-nin
xəbərində qeyd olunub.
Evlərini tərk edən 62,1 milyon insan məcburi köçkün, 6,08
milyon insan isə sığınacaq axtaran olub.
1990-cı illərdə orta hesabla hər il 1,5 milyon qaçqın
evlərinə qayıda bilib. Son on ildə bu rəqəm təxminən 385,000-ə düşüb.
2023-cü ilin ortalarına olan
məlumata görə, qaçqınların və beynəlxalq müdafiəyə ehtiyacı olan şəxslərin ilk
beş ölkəsi Suriya (6,5 milyon), ikinci yerdə Əfqanıstan (6,1 milyon), Ukrayna
(6 milyon), Venesuela (5,6 milyon) və Cənubi Sudandır (2,2 milyon).
2022-ci ildə qaçqın və sığınacaq axtaranların 84%-i
iqlim dəyişikliyinə çox həssas olan ölkələrdən qaçıblar, halbuki 2010-cu ildə
bu rəqəm cəmi 61% idi.
Bundan
əlavə, məcburi köçkünlərin və vətəndaşlığı olmayan insanların bir qismi hazırda dünyada iqlimə ən həssas mühitlərdə yaşayır.
BMT Baş Assambleyasının 4 dekabr 2000-ci il qərarına əsasən, hər il 20
iyun Ümumdünya Qaçqınlar Günü kimi qeyd olunur.
Aygün Mirakif
www.anews.az
Bizi sosial şəbəkələrdə izləyin !
