“TikTok”un qurucusu Çinin ən varlı adamı seçilib

20:23 | 29.10.2024

“TikTok”un qurucusu Çinin ən varlı adamı seçilib

"TikTok” sosial şəbəkəsinin yaradıcısı Zhang Yiminq Çinin ən varlı adamı seçilib.

Şanxayda nəşr olunan "Hurun” jurnalının zəngin insanların yeni siyahısına əsasən, Zhang Yiminqin sərvəti 49,3 milyard dollar məbləğində qiymətləndirilir.

Jurnalın məlumatına görə, 41 yaşlı Zhang sələflərindən daha çox beynəlxalq mövqe tutan yeni nəsil çinli sahibkarların bir nəslinə aiddir.

Zhang tərəfindən yaradılan və "TikTok”un sahibi olan "ByteDance” qrupu keçən il qlobal satışlarını 30 faiz artıra bilib. "TikTok”un təkcə ABŞ-da təxminən 200 milyon istifadəçisi var. Çində "TikTok” "Douyin” adlandırılır.

"Hurun”un məlumatına görə, keçən il Çində ifrat varlı insanların sayı ümumilikdə 142 nəfər azalıb, 753 nəfərin ən azı bir milyard ABŞ dolları məbləğində sərvəti var. 2021-ci ildə 1185-ə çatan zirvədən sonra Çin milyarderlərinin üçdəbirindən bir qədər çoxunu itirib.

www.anews.az

Bizi sosial şəbəkələrdə izləyin !