7 mart-13:57

_____ 

 

"Britaniya "Toplum Tv”nin jurnalistləri və "3-cü Respublika” siyasi hərəkatının üzvünün həbsi ilə bağlı dərin narahatdır.Biz -ı bu yaxınlarda həbs edilmiş media nümayəndələri daxil olmaqla, hər bir kəsin ifadə azadlığı və fundamental insan hüquqlarını qorumağa çağırırıq", - səfirliyin açıqlamasında deyilir. 

 _____

 

12:00

Dövlət Departamentinin sözçüsü Metyu Miller Birləşmiş Ştatların müstəqil Toplum TV-nin ofisinə basqın etməsi, eləcə də bir neçə müstəqil jurnalistin və vətəndaş cəmiyyəti fəalının həbsi ilə bağlı xəbərlərdən "dərin narahat olduğunu” bildirib. Bu barədə Turan agentliyi yazıb.

"Biz Azərbaycanı fundamental azadlıqlarından istifadə edənlərə qarşı təqiblərə son qoymağa və siyasi motivli işlərdə haqsız yerə həbs edilmiş bütün şəxslərin azadlığa buraxılmasına çağırırıq. Heç kəs ifadə azadlığından istifadə etdiyinə görə həbs və ya başqa cəzalarla üzləşməməlidir. Onlar ifadə azadlığını boğmağı dayandırmalıdırlar – çünki bu, öz xalqının maraqlarına zıddır. Mən sizi əmin edə bilərəm ki, biz Azərbaycan rəsmiləri ilə özəl diplomatik müzakirələr apararkən — dövlət katibinin keçən ay etdiyi kimi, biz məhz bu məsələləri qaldırırıq”, - Metyu Miller Turan agentliyinin əməkdaşının sualını cavablandırarkən deyib. 

 

00.21

______ 

Toplum TV-nin müxbiri Fərid İsmayılov Cinayət məcəlləsinin qaçaqmalçılığı nəzərdə tutan 206.3.2 maddəsi ilə  şübhəli şəxs qismində saxlanılıb. Bunu onun vəkili Zibeydə Sadıqova bildirib. 

 

"Fərid mənə dedi ki, bu gün gündüz 2-dən onu əvvəlcə ofisdə, daha sonra  polis bölməsində saxlayıblar. Evində axtarış aparılıb və 3100 avro pul tapılıb. Fərid bu pulun ona aid olmadığını bildirib. Onu müəyyən sənədlərə imza atmağa məcbur ediblər. Bütün bunlarla bağlı etirazlarımızı protokollaşdırdıq",  -  Sadıqova deyib. 

 

 

O həmçinin bildirib ki, Fərid İsmayılov noyabrda burun və dekabrda 3 dəfə ağciyər əməliyyatı keçirib. Bununla bağlı narahatlığı var. 

 

23.38 

_______ 

 

 

Kanalın adı dəyişdirilərək NİİAAKQ S adlandırılıb.

 

 

23.21

______

 

 

"Toplum TV hər hansı cinayət işi üçün hüquqi əsas verməyib. Mən saytın baş redaktoruyam və müəyyən edə bilmirəm niyə Toplum TV ofisində axtarış aparılıb, jurnalistlər saxlanılıb. Bu axtarış prosedur pozuntuları şəraitində aparılıb. 9 jurnalistimizin yeri bəlli deyil. Onların  valideynləri narahatdır. Bu redaksiyanın baş redaktoru mənəm. Gənc jurnalistlərlə nə işləri var. Təsəvvür edin ki, bu gənclərdə öz dövləti haqqında nə kimi fikirlər formalaşıb",  -  Xədicə İsmayıl bildirib. 

 

Onun sözlərinə görə, Toplum TV-nin jurnalisti Fərid İsmayılovun evindən 3100 avronun tapılmasında qəribə bir şey görmədiyini də deyib. 

 

"Mən bu pulun ona aid olub olmadığını bilmirəm. Amma aiddirsə burada nə var? Niyə jurnalistin 3100 avro pulu ola bilməsin?",  -  İsmayıl deyib

 

 

10.59 

_______

Tolum TV-nin təsisçisi və "üçüncü platformanı Akif Qurbanov Azərbaycan Respublikasının  Cinayət Məcəlləsinin qaçaqmalçılıq maddəsi ilə şübhəli bilinir. Bunu onun vəkili Şəhla Hümbətova jurnalistlərə bildirib. 

 

"Akif Qurbanovun dediyinə  görə, o və Ruslan İzzətli "Üçüncü platforma" ofisində saxlanılıb. Qurbanovun dediyinə görə, ofislərinə basqın edilib, onarı baqa bir otağa salıblar və ofisdən 30 min avro pul tapılıb. Akif Qurbanov bu pulun onlara aid olmadığını deyib",  -  Şəhla Hümbətova bildirib.

 

Onun sözlərinə görə, müstəntiq ona Akif Qurbanovun sabah məhkəməyə aparılacağını və barəsində həbs qətimkan tədbiri seçiləcəyini bildirib.

 

Vəkil həmçinin Qurbanovun evində aparılan  axtarışda iştirak etmək istədiyini , lakin buraxılmadığını da vurğulayıb.  

 

 

10.44

______

 

 

 

22.34

______ 

 

 

Onların vəkili Zibeydə Sadiqovanın verdiyi məlumata görə, Fərid İsmayılovun sabah məhkəməyə aparılacağı və barəsində həbs qəti imkan tədbirinin seçilməsinin mümkünlüyü ehtimal edilir. 

 

______ 

 

Toplum TV-nun əməkdaşı Fərid İsmayılovun və təsisçisi Akif Qurbanovun evində axtarış aparılıb. Özünü Fərid İsmaylovun dayısı oğlu kimi təqdim edən şəxs axtarış vaxtı onun evindən 3100 avro tapıldığını bildirib. 

 

AKif Qurbanovun evində aparılan axtarışın nəticələri barədə məlumat yoxdur. Hər iki şəxsin nədə ittiham olunması barədə rəsmi orqanlar hələ məlumat verməyib.

 

Onların harada olması barədə də bilgi yoxdur. ToplumTV əməkdaşları hər iki şəxsin telefonuna zəng çatmadığı və harada olmaları barədə ailə üzvlərinə məlumat olmadığ üçün onların polis tərəfindən saxlandığını ehtimal edirlər. 

 

DİN məsələ ilə bağlı yaxın vaxtlarda açıqlama veriləcəyini bildirib

 

 

 19.44

---------- 

Toplum TV-nin əməkdaşı Fərid İsmayılovun evində axtarış nəticəsində 3100 avro tapılıb. Bu barədə onun yaxınları məlumat verib

 

 

 

Daxili İşlər Nazirliyi faktı təsdiqləyib.