Sabah Bakının bir sıra ərazilərində işıq olmayacaq

Bakının Xətai, Xəzər və Yasamal rayonlarının bəzi ərazilərində sentyabrın 18-də təmir və yenidənqurma işləri ilə əlaqədar elektrik enerjisinin verilişində müvəqqəti məhdudiyyət yaranacaq.Bu barədə "Azərişıq" ASC-dən məlumat verilib.

Xətai Rayon Enerji Təchizatı və Satışı İdarəsinin (RETSİ) xidmət ərazisində saat 10:00-dan 14:00-dək 10/0,4 kV-luq transformator məntəqəsində aparılacaq yenidənqurma işləri ilə əlaqədar Məhəmməd Hadi və Sarayevo küçələrində elektrik enerjisinin verilişi məhdudlaşdırılacaq.

Xəzər RETSİ-nin ərazisində 6 kV-luq ikidövrəli hava xətlərində aparılacaq yenidənqurma işləri ilə əlaqədar saat 10:00-dan 14:00-dək Mərdəkan qəsəbəsinin Almaz İldırım, Hacı Məmmədov, Məmməd Səid Ordubadi və Mirzə Ələkbər Sabir küçələrinin bir hissəsində elektrik enerjisinin verilişi dayandırılacaq.

Yasamal RETSİ-nin ərazisində transformator məntəqəsində aparılacaq təmir işləri ilə əlaqədar saat 10:00-dan 13:00-dək Abdulla Qarayev, Mirmövsüm Nəvvab, Nəriman Nərimanov və Zahid Xəlilov küçələrinin bəzi ərazilərində elektrik enerjisinin verilişində fasilə yaranacaq.

"Azərişıq"-dan bildirilib ki, işlər başa çatdıqdan sonra həmin ərazilərdə elektrik enerjisinin təchizatının keyfiyyətinin və dayanıqlığının artırılması təmin ediləcək.