Türkiyədə yenidən meşə yanğını başladı - Hadisə yerindən görüntülər

11:43 | 22.06.2022
Türkiyədə yenidən meşə yanğını başladı - Hadisə yerindən görüntülər

Türkiyədə yenidən meşə yanğını başladı - Hadisə yerindən görüntülər

İyunun 21-i axşam saatlarında Türkiyənin Marmaris şəhərində geniş miqyasda meşə yanğını başlayıb. Bu barədə Türkiyə KİV məlumat yayıb.
 
Dünən axşamdan etibarən yanğınla mübarizə davam edir.
 
Yanğının söndürülməsinə təqribən 1600 nəfər, eləcə də 20 helikopter, 39 texnika və 14 təyyarə cəlb olunub. Yanğın baş verən əraziyə gələn sakinlər də yanğının söndürülməsinə köməklik göstərirlər.
 
Türkiyənin kənd və meşə təsərrüfatı naziri Vahit Kirişçi və daxili işlər naziri Süleyman Soylu helikopterlə yanğın bölgəsinə baxış keçiriblər.

Bununla yanaşı, alovların yaşayış yerlərinə yaxınlaşması səbəbindən 30 evin sakinləri təxliyə edilib.
 

 
Hər il yay aylarında Türkiyənin Aralıq dənizi və Ege regionlarında meşə yanğınları yaranır. Lakin 2021-ci ilin may ayı son 50 ilin ən istisi may idi və ölkə daxilində Türkiyədəki iqlim dəyişikliyindən qaynaqlandığı ehtimal edilən quraqlıq yaranmışdır.Bunun ardınca iyunun ortalarına qədər 1°C-dən aşağı olan müsbət temperatur anomaliyaları və bol yağıntı müşahidə edilsə də, bu, 26–27 iyun tarixlərində Kaş, Tarsus və Marmarisdə baş verən yanğınlara mane olmadı. İyulun ikinci yarısında daha güclü istilər müşahidə edilmiş, bəzi bölgələrdə 12° C -ə qədər müsbət temperatur anomaliyası yaranmış və mövsümi gündüz istiliyinin 27 °C (81 °F) civarında olduğu İstanbulun şimalında temperatur 36 °C (97 °F) olaraq qeyd edilmişdir.[21][22][23] Bundan başqa Türkiyənin cənub-şərqindəki Cizrə şəhərində havanın temperaturu 49 °C (120° F) civarında qeydə alınmışdır ki, bu da ölkə miqyasında son 60 il üçün ən yüksək temperaturdur. 

Ötən il  iyulun 28-dən avqustun 3-dək 38 bölgədə 163 yanğın çıxıb. Ölkənin Səhiyyə Nazirliyinin başçısı Fahrettin Koca bildirib ki, Türkiyədə meşə yanğınları zamanı ölənlərin sayı 8 nəfərə çatıb, zərərçəkənlərin sayı 860 nəfəri ötüb.

Ləman Qasımova

www.anews.az
0
Bizi sosial şəbəkələrdə izləyin !

REKLAM

Xəbər lenti

“Bir Pəncərə İxraca Dəstək Mərkəzi” xətti ilə ixrac azalıb