Tramp: Klinton üçüncü dünya müharibəsinə başlamaq istəyir

Oxu.Az TASS-a istinadən xəbər verir ki bu barədə bazar ertəsi Miçiqan ştatında seçicilərlə keçirilən görüş zamanı ABŞ prezidentliyinə Respublikaçılar partiyasından namizəd Donald Tramp deyib.

"Hillari və onun müvəffəqiyyətsizliyə uğramış Vaşinqton elitası Yaxın Şərqdə müharibələrə 6 trilyon dollar vəsait sərf edib və indi orada vəziyyət əvvəlkindən də pisdir”, - ABŞ prezidentliyinə respublikaçı namizəd deyib. 

"İndi keçmişin xatırlanmadığı Vaşinqton kisəciyində ilişib qalan Hillari, nüvə silahı olan Rusiya ilə münaqişəyə girərək Suriyada həqiqi müharibəyə başlamaq istəyir ki, bu da bizi üçüncü dünya müharibəsinə çəkə bilər”, - Tramp vurğulayıb. 

"Siyasi dairələrin təkəbbürlü nümayəndələri heç vaxt heç nədən dərs almırlar. Onlar eyni səhvləri təkrar edir, həmin yalan sözləri danışır, sonda müvəffəqiyyətsizliyə uğrayırlar”.

"Hillari öz elektron poçt qutusuna yiyə dura bilmədiyi halda, ölkəni necə idarə edə bilər? Fəlakət, qalmaqal və satqınlıqlar biri-birini əvəz edir”, - Tramp əlavə edib.