Rusiyada azərbaycanlı tələbəni qətlə yetirən şəxs axtarışa verildi

"СоцИнформБюро” informasiya agentliyi yazır ki, qətlə yetirilən şəxs birinci kurs tələbəsi olub. Gənc Azərbaycandan Volqoqrada Tibb Universitetində təhsil almaq üçün gəlibmiş. İstintaq zamanı məlum olub ki, həmin gün oğlan şəhərin Mərkəzi rayonunda dostunun evinə gedib və gecə saatlarında yaşadığı yataqxanaya yollanıb. Raboçe-Krestyansk küçəsində tələbəyə naməlum şəxs hücum edib. O, ona çoxsaylı bıçaq zərbələri endirib, nəticədə 17 yaşlı Timur hadisə yerində həyatını itirib. Qatil həmin ərazidə quraşdırılmış videomüşahidə kameralarına düşüb, hazırda onun şəxsiyyəti müəyyənləşdirilir.  


Qeyd edilir ki, Volqoqrad vilayətinin qubernatoru Andrey Boçarov Azərbaycan vətəndaşının amansız qətli ilə bağlı cinayət işinin açılmasında kömək edən vətəndaşlara pul mükafatının ayrılmasına dair qərar qəbul edib. Bu məqsədlə 1 milyon rubl ayrılacaq.

www.anews.az