Koronavirusun ən çox zərər verən ştammı - ARAŞDIRMA

 

Dəyən zərərin öyrənilməsi üçün National Public Radio (NPR) bir qrup sakin arasında sorğu keçirib. Sorğuda 18 yaş və yuxarı 3616 ABŞ sakini iştirak edib. Avqustdan sentyabra qədər aparılan tədqiqatlarda  fərqli dildə danışan, müxtəlif etnik qruplara aid olanlar iştirak edib.

Sorğuda iştirak edən ailələrin üçdə ikisi, uşaqlarının təhsildən geri qaldığını və hər beş ailədən birini sağlamlıq problemi olsa da tibbi xidmət ala bilmədiyini söyləyib. Əhalinin əksəriyyətində tibbi sığorta olsa da, sağlamlıq xidmətlərindən yararlana bilməyiblər. ABŞ sakinlərinin 78 faizində tibbi sığorta var, 22 faizinə isə müxtəlif səbəblərdən verilməyib.

Sorğu iştirakçılarının 38 faizi son bir neçə ayda ciddi maliyyə problemləri ilə üzləşdiklərini bildirilib. Latın, qara və qızıldərili ailələrin 50, ağdərili ailələrin isə 29 faizi ciddi maliyyə problemi yaşayır. 

Harvard Chan Məktəbi Prof. Dr. Robert Blendon, "Delta" ştammının maddi ziyanına işarə edərək, "Hökumətin milyardlarla dollarlıq yardımına baxmayaraq, maddi çöküş yaşayan bir çox insan var", - deyə bildirdi.

 

Sorğu illik gəliri 50 min dollardan az olan amerikalıların 59 faizinin son bir neçə ay ərzində ciddi maliyyə problemləri yaşadığını, 50 min dollardan çox gəliri olanların isə 18 faizinin eyni problemdən əziyyət çəkdiyini müəyyənləşdirib.

 

Ölkədəki ailələrin üçdə ikisi "Delta"nın yayıldığı dövrdə dövlətdən maliyyə dəstəyi alıb.

 

ABŞ-da ailələrin 19 faizi pandemiya dönəmində öz təsərrüfatlarını itirib. Qaradərili ailələrin 31 faizi, latın və qızıldərili ailələrin dörddə biri təsərrüfatlarını tamamilə itirib. İllik gəliri 50 min ABŞ dollarından az olan ailələrin təsərrüfatını itirmək ehtimalı çox yüksək idi, bu da ölkədə təbəqələr arasında bəzi hallarda intriqaya gətirib çıxardı. 

 

Amerikanın 4 böyük şəhərində aparılan sorğu nəticəsinə görə, kirayə mənzil bazarına da ziyan dəyib. Həmçinin, Hauston şəhərində kirayə qalanların 53, Çiqaqoda 41, Los-Angelesdə 35, Nyu-Yorkda 32 faizi ödəniş etməkdə çətinlik çəkir. 

NPR-nin sorğusuna görə, COVID-19-un "Delta" ştammı ilə artan təsiri, bir çox amerikalının narahatlıq və yuxusuzluğa əsaslanan psixi problemlər yaşamasına səbəb olub.

 

Sorğuda iştirak edən amerikalıların yarısı, evdəki ən az bir insanın son aylarda ağır depressiya, stres və ya yuxu problemləri ilə mübarizə aparmaq məcburiyyətində qaldığını söylədi.

Fərqli sahələrdə sosial rifahın azaldığını ortaya qoyan araşdırma, ölkədəki etnik qrupların təhlükəsizlik ilə əlaqədar problemlərini də əhatə edir.

Araşdırmaya görə, asiyalı, amerikalı yetkinlərin dörddə biri irqi və ya etnik mənsubiyyətinə görə, son bir neçə ayda təhdid və ya fiziki hücum qorxusu yaşadıqlarını söyləmişlər.

Yerli Amerika cəmiyyətinin 22 faizi və qaradərililərin 21 faizi də təhdid və ya hücuma məruz qala biləcəklərindən narahatlıqlarını ifadə edib.

 

Sorğuda əhalinin böyük əksəriyyətinin "Delta" ştammına yoluxduğu məlum olub. Digər ştammların verdiyi zərərlərin cəmi isə "Delta"dan 50 faiz az olub. 

 

Ləman Qasımova