Ukraynada nə qədər azərbaycanlı yaşayır? - RƏSMİ

Azərbaycanlılar müxtəlif səbəblərdən xarici ölkələrə gedib orada daimi yaşamaq qərarı verirlər. Diasporla İş üzrə Dövlət Komitəsinin informasiya şöbəsinin müdiri Elşad Miraləm Modern.az saytına bu haqda məlumat verib.Modern.az  xəbər verir ki, şöbə müdirinin dediyinə görə, onlar müxtəlif yerlərdə məskunlaşırlar:“Bu ölkələr arasında İran, Türkiyə, Rusiya, Ukrayna, ABŞ, Almaniya, İsveç, Hollandiya üstünlük təşkil edir. İranda 30 milyona, Türkiyədə 3 milyona, Rusiyada 2 milyona, Ukraynada 500 minə, ABŞ-da 450 minə yaxın, Almaniyada 100 mindən çox azərbaycanlı yaşayır”.Şöbə müdiri bildirib ki, İsveçdə, Hollandiyada və digər Avropa ölkələrində yaşayan azərbaycanlıların əksəriyyəti başqa ölkələrdən köçən azərbaycanlılar olduğundan, onların statistikası ilə bizdə heç bir rəsmi məlumat olmur. Onun sözlərinə görə, xarici ölkələrdə yaşayan azərbaycanlılar müxtəlif sahələrdə çalışır. Almaniyada yaşayanlar daha çox xidmət sahəsində, Rusiyada daha çox ticarət sahəsində fəaliyyət göstərir:“Son illərin tendensiyası onu deməyə əsas verir ki, azərbaycanlıların ictimai-siyasi həyatda iştirakının səviyyəsi daha çox artır. Azərbaycanlılar əvvəlki illərlə müqayisədə kütləvi informasiya vasitələrində, ayrı-ayrı qeyri-hökumət təşkilatlarında, tibb sahəsində, müxtəlif universitetlərdə, elmi mərkəzlərdə daha çox təmsil olunur. Hesab edirik ki, bu, gələcəkdə Azərbaycan diasporunun təkmilləşməsinə öz layiqli töhvəsini verəcək”.Miqrasiya Mərkəzinin rəhbəri Əlövsət Əliyevin  bildirdiyinə görə, Azərbaycanda neft-qaz sahəsində Britaniya vətəndaşları, tikinti sahəsində  Türkiyə vətəndaşları üstünlük təşkil edir:“Ümumilikdə isə Nazirlər Kabineti əmək mühacirləri ilə bağlı kvota müəyyən edir. Bu kvotanın sayı, nəticələri açıqlanmalıdır. Kvotaya əməl olunub-olunmaması ilə bağlı hesabatlar hazırlanmalıdır. Belə bir hesabatı isə biz görməmişik”.ANN.Az