Türkiyədə inflyasiya yanvarda 64,9% olub

Ölkənin Statistika İnstitutunun (TÜİK) məlumatına görə,  ötən ilin dekabrında 64,8% olan inflyasiya bu ilin yanvarında  64,9% -ə kimi artıb. 

Bununla yanaşı Trading Economics-in ekspertləri orta hesabla infkyasiyanın 64,5%-ə qədər yavaşıyacağını proqnozlaşdırıblar. 

Yanvarda kommunal xidmətlərin qiyməti 46% (bir ay əvvəl - 40,4%), nəqliyyat xidmətləri 77,5% (77,1%) artıb. İstirahət və əyləncə qiymətləri 61,8% (61,3%) yüksəlib. 

Bu arada dekabrda 72% bahalaşan  ərzaq qiymətləri yanvarda daha 69,7% artıb.

İstehlak qiymətləri yanvarda əvvəlki ayla müqayisədə 6,7% artıb ki, bu da 2023-cü ilin avqustundan bəri ən güclü sıçrayışdır.

Ərzaq, enerji, tütün məmulatları və qızılın xərclərini daxil olmadığı baza inflyasiyası yanvarda 70,5% bahalaşıb. 

Türkiyədə istehsalçı qiymətləri (ÜFE) keçən ay illik müqayisədə 44,2%, dekabr  ilə müqayisədə isə 4,1% artıb.