Amerika qırıcı təyyarəsi qəzaya uğrayıb

ABŞ Hərbi Dəniz Qüvvələrinə məxsus EA-18G Growler qırıcı təyyarəsi Uidbi-Aylend Hərbi Dəniz Qüvvələrinin bazasında keçən təyyarə təlim uçuşu zamanı Vaşinqton ştatında Reinier vulkanının şərqində qəzaya uğrayıb. Bu barədə The Seattle Times qəzeti məlumat verib.

Qırıcı təyyarə 130-cu radioelektron hücum eskadronuna aid olub. Qəza yerinə ABŞ Hərbi Dəniz Qüvvələrinə məxsus MH-60S helikopterindən ibarət axtarış qrupu göndərilib.

Pilotların vəziyyəti hələ ki, məlum deyil.

Qəzanın səbəbləri araşdırılır.

EA-18G "Growler" radioelektron müharibə qırıcısı F/A-18 Super Hornet qırıcısının modifikasiyasıdır. Onun qiyməti 67 milyon dollardır.

N.Təbrizli