Türkiyədə neft emalı zavodunda partlayış baş verib

Türkiyənin İzmit şəhərində Tüpraş neft emalı zavodunda partlayış baş verib. Bu barədə hadisə şahidlərinin görüntülərini dərc edən NTV telekanalı məlumat yayıb.

Videoda obyektdən tüstü qalxdığı görünür. Zavod binasına yanğınsöndürənlər, təcili yardım maşınları və təhlükəsizlik qüvvələri göndərilib. Hələlik fövqəladə hadisənin müəssisənin hansı hissəsində baş verdiyi barədə ətraflı məlumat verilməyib.

Kocaeli Bələdiyyə Başçısı Tahir Büyükakın bildirib ki, partlayış adi məşq zamanı baş verib. Yanğının qarşısı qısa zamanda alınıb. Hələlik itkilər barədə rəsmi məlumat yoxdur.

Aytac 

www.anews.az