Ermənistan və Gürcüstan hərbi əməkdaşlıq proqramını imzaladı

Ermənistan və Gürcüstanın Müdafiə nazirlikləri yanvarın 29-da 2014-cü il üçün hərbi əməkdaşlıq proqramını imzalayıblar.

Trend-in "Mediamaks"a istinadən verdiyi məlumata görə, Gürcüstan müdafiə nazirinin müavini Mixail Darçiaşvilinin başçılıq etdiyi nümayəndə heyəti yanvarın 28-29-da Ermənistanda olub. Nazir müavini Ermənistanın müdafiə naziri Seyran Ohanyanla görüş keçirib.

Görüş zamanı ikitərəfli hərbi əməkdaşlığın perspektivləri müzakirə olunub.

2014-cü ilin hərbi əməkdaşlıq proqramına qarşılıqlı səfərlər, hərbi siyasət sahəsində əməkdaşlıq və təcrübə mübadiləsi, sülhməramlı fəaliyyət, hərbi tədris, resursların idarə edilməsi və s. məsələlər daxildir.

Trend