Trampla Putin arasında telefon danışığı olub - Yenilənib

Rusiya prezidenti Vladimir Putin Amerika lideri Donald Trampla danışıqlar aparıb. Bu barədə Rusiya prezidentinin mətbuat katibi Dmitri Peskov  məlumat verib.

Onun sözlərinə görə, söhbət demək olar ki, bir saat yarım davam edib.

Putin telefon danışığı zamanı Trampı Moskvaya səfərə dəvət edib. Dövlət başçıları əlaqələrin davam etdirilməsi və şəxsi görüşün təşkili,həmçinin, qarşılıqlı səfərlər barədə razılığa gəliblər.

Peskov bildirib ki, Tramp Putinlə söhbətində Ukraynada döyüşləri mümkün qədər tez dayandırmağı və problemin sülh yolu ilə həllini müdafiə edib. Putin də öz növbəsində münaqişənin köklü səbəblərini aradan qaldırmağın vacibliyini qeyd edib.

***

Fevralın 12-də ABŞ prezidenti Donald Tramp Rusiya lideri Vladimir Putinlə telefonla danışıb.

Bu barədə CNN mənbələrə istinadən məlumat yayıb.